स्कुलबसको ठक्करबाट एक जना बालकको मृत्यु
कार्तिक,२५ काठमाडौं । जुम्लामा स्कुलबसको ठक्करबाट एक बालकको ज्यान गएको छ ।
चन्दननाथ नगरपालिका-९ उमगाडमा कनिका निसा बोर्डिङ स्कुलको भे १ क ३८२ नम्बरको बसले ठक्कर दिँदा ११ वर्षका राजेश गिरीको ज्यान गएको जिल्ला प्रहरी कार्यालयले बताएको छ ।
प्रहरी नायब उपरीक्षक नरेन्द्र चन्दका अनुसार गिरीको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचारका क्रममा निधन भएको हो ।
