ट्याक्टर पल्टदाँ ट्याक्टरमा सवार एक जनाको मृत्यु
कार्तिक,१९ काठमाडौं । उमाकुण्ड गाउँपालिका–५ को प्रितीमा ट्याक्टर पल्टदाँ ट्याक्टरमा सवार एक जनाको ज्यान गएको छ ।
लिखुको बेनीमेलामा गएर फर्किदै गरेको लु ३ त २४९९ नम्बरको ट्याक्टर साविकको प्रिती गाविसको संसारीडाँडा भन्ने ठाउँमा पल्टिँदा स्थानीय प्रेमबहादुर सुनुवारको घटनास्थलमै ज्यान गएको प्रहरीले बताएको छ ।
घटनामा अन्य तीन जना घाइते भएका छन् । घाइतेमध्ये एक जनाको अवस्था गम्भीर रहेको जिल्ला प्रहरी कार्यालय रामेछापका प्रहरी नायव उपरीक्षक राजकुमार थिङले बताउनु भयो ।
घाइतेमध्ये दुई जना स्थानीय प्राथामिक अस्पतालमा सामान्य उपचारपछि घर फर्किएका छन् । यस्तै गम्भीर घाइते भएका व्यक्तिलाई उपचारको लागि काठमाण्डौ पठाउने तयारी भैरहेको छ ।
