संखुवासभामा बस दुर्घटना हुँदा १४ जनाको मृत्यु
काठमाण्डौ २६ फाल्गुन। संखुवासभामा बस दुर्घटना हुँदा १४ जनाको मृत्यु भएको प्रहरीले जनाएको छ । दुर्घटनामा ५ जना घाइते भएका छन् ।
१४ जनाको लाश भेटिएको छ, भने ५ जना गम्बिर घाईते भएका छन् । मृतकको सनाखत भएको छैन ।
झापाको दमकतर्फ जाँदै गरेको बा ४ ख ७३५ नम्बरको बस आज बिहान करिब साढे सात बजे तिर संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको थियो ।
घाइतेहरुलाई उपचारका लागि सदरमुकाम चैनपुर लगिएको छ । गम्भीर घाइतेहरुलाई सुविधासम्पन्न अस्पतालमा लैजान हेलिकप्टरको व्यवस्था गरिको छ ।
बस सडकबाट करिब साढे ३ सय मिटर तल खसेको थियो । सशस्त्र प्रहरी, नेपाल प्रहरी र स्थानीय उद्धारमा खटिएका छन ।
