‘कबड्डी ४’ प्रदर्शनको दोस्रो सातामा प्रवेश गर्न सफल
जेठ, २० काठमाडौं । फिल्म ‘कबड्डी’ को चौथो श्रृंखला ‘कबड्डी ४’ प्रदर्शनको दोस्रो सातामा प्रवेश गर्न सफल भएको छ । राम्रो व्यवसाय गर्दै फिल्म दोस्रो सातामा प्रवेश गरेको हो । फिल्मले अहिलेसम्म ११ करोड बढी कमाएको निर्माण युनिटले जनाएको छ ।
मल्टिप्लेक्स राम्रो शो पाएको फिल्मले रिलिज पछि भने दर्शकको प्रतिक्रिया मिश्रित पाएको छ । कतिपयले फिल्म राम्रो भनेका छन् भने कतिपयले कबड्डी सिक्वेलको कमजोर फिल्म बताएका छन् ।
रामबाबु गुरुङ निर्देशित फिल्ममा दयाहाङ राई, सौगात मल्ल, मिरुना मगर, बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल, कविता आले, स्वर्गीय जयनन्द लामा, प्रकाश घिमिरे लगायतको अभिनय छ ।
