भारतबाट चोरी तस्करी गरी ल्याइएका औषधिलगायतका स्वास्थ्य सामग्री बरामद
काठमाडौं १९ वैशाख । सशस्त्र प्रहरीले भारतबाट चोरी तस्करी गरी ल्याइएका औषधिलगायतका स्वास्थ्य सामग्री बरामद गरेको छ।
तस्करी गरी ल्याउँदै गर्दा विराटनगर–१५ स्थित पारिजातबाट २ सय ३५ प्याकेट सर्जिकल ब्लेड, २ हजार ७ सय ८० पिस प्रेग्नेन्सी टेस्ट किट र २ सय पिस अक्सिजन फेस मास्क बरामद गरेको सशस्त्र प्रहरी बल मोरङका प्रमुख एसपी राजकुमार लामिछानेले बताए। तस्करीमा संलग्न भने मोटरसाइकल लिएर फरार बनेको उनले बताए। बरामद गरिएका १ लाख ३० हजार ३ सय रूपैयाँ बराबरको सामग्री रहेको छ।
त्यस्तै, भन्सार छलेर अवैध तरिकाले ल्याउँदै गरेको ८३ पिस कुर्त सलवार, १४ थान बाल्टिन र एक कार्टुन प्लाष्टिकको चम्चा तथा प्लेट विराटनगर–१६ दरैयाबाट बरामद गरिएको छ।
