भारत र पाकिस्तानलाई अधिकतम संयमता अपनाउन राष्ट्रसङ्घको अपिल
संयुक्त राष्ट्रसङ्घका महासचिव एन्टोनियो गुटेरेसले भारत र पाकिस्तानलाई अधिकतम संयमता अपनाउन अपिल गर्नुभएको छ ।दुई देशबीचको तनाव कम गर्नका लागि सैन्य कारबाही समाधान नभएको उहाँको भनाइ रहेको भारतीय सञ्चार माध्यमले बताएका छन् ।
उहाँले भारत र पाकिस्तानबीचको तनाव चरम सीमामा पुगेकोभन्दै उनीहरूको आपसीसम्बन्ध खतरनाक विन्दुमा पुगेको बताउनुभयो ।
उहाँले निकाल्नुभएको विज्ञप्तिमा राष्ट्रसङ्घले दुवै देशका सरकार र नागरिकहरूको सम्मान गर्ने र संयुक्त राष्ट्र शान्ति अभियानमा दुवैको योगदानको लागि आफू कृतज्ञ रहेको उल्लेख छ । राष्ट्रसङ्घले पहलगाममा पर्यटकहरूमाथि भएको आक्रमणको फेरि पनि निन्दा गर्दै दोषीलाई कडा कारबाही हुनुपर्ने बताएको छ । एजेन्सी
