बाघको आक्रमणबाट सासूबुहारीको मृत्यु
पुष,९ काठमाण्डौ । पूर्वी नवलपरासीमा बाघको आक्रमणबाट सासूबुहारीको मृत्युभएको छ। विनयत्रिवेणी गाउँपालिकाको विनय सामुदायिक वनमा घाँस काट्न गएका ६० वर्षीया मनादेवी पौडेल र उहाँकी बुहारी २८ वर्षीया विष्णु पौडेल मृत भेटिएका छन् ।
दुवै जनाको बाघको आक्रमणबाट मृत्युभएको प्रहरीले बताएको छ । हिजो दिउँसो सासूबुहारी घाँस काट्न जङ्गल गएका थिए । राति अबेरसम्म पनि घर नफर्किएपछि स्थानीय बासिन्दा र प्रहरीले खोजी गर्ने क्रममा उनीहरु मृत अवस्थामा भेटिएका छन् ।
