टोपबहादुर रायमाझी भैरहवाबाट पक्राउ
बैशाख,२१ काठमाडा । नक्कली भुटानी शरणार्थी बनाएर नेपालीलाई अमेरिका पठाउने गरेको अरोपमा मुछिएका पूर्व उपप्रधान तथा गृहमन्त्री टोपबहादुर रायमाझी भैरहवाबाट पक्राउ परेका छन् ।
प्रहरी स्रोतका अनुसार रायमाझी आज विहान भैरहवाबाट पक्राउ परेका हुन् । उनलाईआज नै काठमाडौँ लैजाने तयारी भएको छ । तर रायमाझी पक्राउ परेकोबारे प्रहरीले औपचारिक रूपमा सार्वजनिक गरेको छैन ।
जिल्ला प्रहरी कार्यालय रुपन्देहीका प्रवक्ता श्यामु अर्यालले रायमाझी पक्राउ परेकोबारे आफूहरूलाई जानकारी नभएको बतए। तर प्रहरीको गोप्य स्रोतले दिएको जानकारी अनुसार रायमाझी आज बिहानै पक्राउ परेका हुन् । उनका छोरा सन्दीप रायमाझी हिजो साँझ बुटवलबाट पक्राउ परेका थिए । रायमाझी बाबुछोरालाई पक्राउ गर्न हिजो नै पक्राउ पुर्जी जारी भएको थियो ।
