सिस्नो टिप्न गएका दुई बालिका मृत फेला
चैत्र,२३ काठमाडौं । रुकुम पूर्वमा सिस्नो टिप्न गएका दुई बालिका मृत अवस्थामा भेटिएका छन् । रुकुम पूर्वको पुथाउत्तरगङ्गा गाउँपालिका ३ रन्मामा ११ वर्षीया रिना बुढा मगर र नौ वर्षीया कालिमाया बुढा मगर आज बिहान मृत अवस्थामा भेटिएका छन् ।
तारामान बुढाका दुई छोरी हिजो नै सिस्नो टिप्ने भनी घरबाट निस्किएका थिए । पुथाउत्तरगंगाका उपाध्यक्ष भुपेन्द्रा बुढाका अनुसार उनीहरूले लगाएका गरगहनाहरू लुटपाट गरेपछि हत्या भएको हुन सक्ने अनुमान गरिएको छ ।
