लागुऔषध सेवन गरी सवारी साधन चलाउने ५ जना हिरासतमा
मंसिर, १८ काठमाडौं । लागुऔषध सेवन गरी गाडी चलाउने पाँच जना चालकलाई प्रहरीले ५ दिन हिरासतमा राख्न अदालतबाट अनुमति लिएको छ ।
लागुऔषध सेवन गरी सवारी साधन चलाउँदै गर्दा काठमाडौँको तार्केश्वर नगरपालिका ८ शेषमती पुलबाट हिजो ५ जना चालकलाई नियन्त्रणमा लिएको थियो ।
काठमाडौँ उपत्यका ट्राफिक प्रहरी कार्यालय रामशाहपथ, लागुऔषध नियन्त्रण व्युरो कोटेश्वर र नेपाल प्रहरी अस्पताल महाराजगंजको संयुक्त टोलिले शेषमति पुलस्थित सडकमा सवारी साधन चेकजाँच गर्ने क्रममा ५ जना चालकलाई नियन्त्रणमा लिएको थियो ।
