तिहारमा झिलिमिली बत्तीको व्यापार ह्वात्तै बढ्यो
कार्तीक, ४ काठमाडौँ । हिन्दु नेपालीको दोस्रो ठुलो चाड तिहार नजिकिँदै जाँदा त्यसको चाप बजारमा देखिन थालेको छ । तिहारका लागि किनमेल गर्न राजधानीको असन, इन्द्रचोकलगायतका क्षेत्रमा चहलपहल बढेको हो ।
तिहारमा विशेषगरी फूलमाला, भाइमसला (काजु, किसमिस, बदाम, नरिवल, जिन्जर लगायतका वस्तु) र झिलिमिली बत्तीको व्यापार ह्वात्तै बढ्छ । यसबाहेक, लत्ताकपडा र जुत्ताचप्पलको व्यापार समेत यो चाडमा बढ्ने गर्छ ।
यस वर्षको तिहार आइतबारदेखि सुरु हुँदैछ । आइतबार काग तिहार परेको छ भने भाइटीका कात्तिक १० गते परेको छ ।
