म्यादी प्रहरी भर्ना हुम्लामा मात्र चार हजार १६
काठमाडौं ४ चैत ।हुम्लामा म्यादी प्रहरी भर्ना प्रक्रिया अगाडि बढेको हो। स्थानीय तह निर्वाचन २०७९ का लागि चैत ६ देखि ११ गतेसम्म भर्ना प्रक्रिया अगाडि बढाउन दरखास्त आह्वान गरिएको जिल्ला प्रहरी कार्यालयले जनाएको हो ।
छनोटका मापदण्डसमेत निर्धारण गरिएको हो । अठार वर्ष पूरा भई ५४ वर्ष ननाघेका नेपाली नागरिकले दरखास्त दिन सक्ने भए पनि पूर्वनेपाली सेना, प्रहरी तथा विगतमा पनि म्यादी प्रहरीको अनुभव बटुलेकाहरूलाई प्राथमिकतामा राखिने छ ।
त्यसका लागि मासिक रु ३० हजार २४० पारिश्रमिक निर्धारण गरिएको हो । पारिश्रमिकका साथै प्रत्येक म्यादी प्रहरीले खाद्यान्नबापत सात हजार २००, पोसाक र अन्य खर्च गर्ने गरी रु छ हजार, यातायात खर्च बापत रु एक हजार र बीमा सुविधासमेत उपलब्ध गराइने व्यवस्था गरिएको हो ।
