ललितपुर महानगरपालिका–२७ सुनाकोठीमा रहेको बालकुमारी मन्दिरबाट माघ ९ गते मूर्ति चोरी भयो । मन्दिरको ४ वटा ताला फुटाएर ढलोटको मूर्ति चोरी भएको थियो । मन्दिरमा सीसीटीभी नभएकाले सुरुवाती अनुसन्धानबाट प्रहरीले कुनै प्रमाण फेला पार्न सकेन ।

महानगरीय प्रहरी कार्यलयको अपराध महाशाखाका एसपी कृष्ण पंगेनीको नेतृत्वमा मूर्ति चोरीबारे अनुसन्धान गर्न समिति बन्यो । महानगरीय प्रहरी परिसर ललितपुरले डीएसपी दीपक भारतीको नेतृत्वमा समिती बनाएर अनुसन्धान गरिरहेको थियो ।
अपराध महाशाखा र ललितपुर प्रहरीले आक्रामक अनुसन्धान अघि बढाइरहेको बेला शुक्रबार बिहान ६ बजे प्रहरीलाई एउटा खबर आयो–‘खुमलटारस्थित करुणा मन्दिरको हातामा बोरामा मूर्ति भेटिएको छ । सो खबर तत्काल ललितपुरका एसएसपी यज्ञविनोद पोखरेल कहाँ पुग्यो । उनले तत्काल अनुसन्धान अधिकृतहरूलाई घटनास्थलमा पठाए । बोरामा प्याक गरेर फालिएको सो मूर्ति माघ ९ गते बालकुमारी मन्दिरबाट चोरिएको मूर्ती भएको जानकारी गराउनु भयो ।