भेरी नदीमा ट्र्याक्टर खस्दा दुई जनाकाे ज्यान गयाे
रुकुम पश्चिम – रुकुम पश्चिमको आठबिसकोट नगरपालिका–१४ को भेरी नदीमा ट्र्याक्टर खस्दा दुई जनाको ज्यान गएको छ ।
दुर्घटनामा ट्र्याक्टर चालक तथा मालिक आठबिसकोट–१४ विकास खड्का र हरि शर्माको ज्यान गएको जिल्ला प्रहरी कार्यालय रुकुम पश्चिमका प्रहरी निरीक्षक विष्णुप्रसाद श्रेष्ठले जानकारी दिनुभयो । यस्तै दुर्घटनामा घाइते भएका तीन जनाको मिसन अस्पताल चौरजहारीमा उपचार भइरहेको छ ।
आठबिसकोटबाट जाजरकोट रिम्नातर्फ गइरहेको ट्र्याक्टर आज दिउँसो भेरी नदीमा खसेको प्रहरीले जनाएको छ । ट्र्याक्टरकाे नम्बर अझै खुलेकाे छैन । रासस
