ट्याक्टर दुर्घटना हुँदा दुई जनाको मृत्यु
चैत्र, २३ काठमाडौं । बैतडीमा ट्याक्टर दुर्घटना हुँदा दुइ जनाको मृत्यु भएको छ। बैतडीको सुर्नयाबाट खोड्पे जाँदै गरेको से२त ३६७८ नम्बरको ट्याक्टर आज बिहान जयपृथ्वी राजमार्गको पाटन नगरपालिका– ८ झौलेक मोडमा सडकबाट करिब २ सय मिटर तल खसेर ट्याक्टर दुर्घटना भएको हो।
मृत्यु हुनेमा चालक कन्चनपुरको शुक्लाफाँटा नगरपालिका(३ पिपलादीका ३० वर्षीय राजेश चौधरी र ट्याक्टरमा सवार बैतडीको पाटन नगरपालिका-१० पनालीका ५० वर्षीय मानबहादुर विष्ट रहेको जिल्ला प्रहरी कार्यालय दैलेखका प्रवक्ता प्रहरी निरीक्षक खेमविक्रम केसीले बताए ।
उनीहरूको दुुबै जनाको दुर्घटनास्थलमै मृत्यु भएको हो। दुर्घटना बिहानै भएको तर प्रहरीलाई ढिला गरी प्रहरीलाई खबर भएको प्रहरी निरीक्षक केसीले बताए।
