गाडी अनियन्त्रित भई दुर्घटना हुँदा नवजात शिशुको मृत्यु
२० कात्तिक, काठमाडौं । धनुषामा गाडी अनियन्त्रित भएर दुर्घटना हुँदा एक नवजात शिशुको मृत्यु भएको छ । अन्य ६ जना गम्भीर घाइते भएका छन् ।
जनकपुरबाट ढल्केबरतर्फ जाँदै गरेको ना ३ च ३५७५ नम्बरको बोलेरो लक्ष्मीनिया गाउँपालिका नजिक आइतबार दिउँसो अनियन्त्रित भई दुर्घटना भएको हो ।
दुर्घटनामा ११ दिने शिशुको मृत्यु भएको धनुषाका प्रवक्ता प्रहरी नायव उपरीक्षक प्रदिपबहादुर क्षेत्रीले बताए। उनका अनुसार ६ जना गम्भीर घाइते भएका छन् ।
उनीहरुको नाम र ठेगाना खुल्न सकेको छैन।
