असार, २१ काठमाडौं । सोमबार अबेर साँझ टाटा सुमोले ठक्कर दिँदा एक जनाको उपचारको क्रममा मृत्यु भएको छ। रौतहटको दुर्गा भगवती गाउँपालिकामा टाटा सुमोले ठक्कर दिँदा तीन जना घाइते भएकामा एक जनाको उपचारको क्रममा वीरगंजमा मृत्यु भएको हो।

दुर्गाभगवती गाउँपालिका २ भलोहियामा घर अगाडि बसेर छलफल गरिरहेको अवस्थामाना ४ च १०३१ नम्बरको टाटा सुमोले तीन जनालाई ठक्कर दिएर घाइते बनाएको थियो। घाइते हुनेमा स्थानीय ६० वर्षीया भरोसी महतो, ४० वर्षीया संगीता पाण्डे र ६० वर्षीय रामजी दास रहेको प्रहरीले जनाएको छ।

घाइतेमध्ये भरोसी महतोको उपचारको क्रममा वीरगंजमा मृत्यु भएको जिल्ला प्रहरी कार्यालय रौतहटले जनाएको छ। अन्य दुई घाइते मध्ये दासको सुकदेव चोकमा रहेको शिव दर्शन अस्पतालमा र पाण्डेको वीरगंजमा रहेको न्युरो अस्पतालमा उपचार भइरहेको जिल्ला प्रहरी कार्यालय रौतहटका प्रवक्ता डिएसपि सुनील मल्लले जानकारी गराएका छन्।