Yeti Khabar

२०७९ आश्विन २१, शुक्रबार - Fri Oct, 2022 -

मुसर्रफलाई घर फिर्ता हुन दिनुपर्ने पाकिस्तानी सेनाको राय

२३ वर्षअघि रक्तविहीन विद्रोहमा सत्ता कब्जा गरी नौ वर्ष शासन गरेका पूर्व सेना प्रमुख पर्वेज मुशर्रफलाई स्वदेश फर्कन दिने पाकिस्तानी सेनाले भनेको छ।

उनका पारिवारिक स्रोतले गत साता ७८ वर्षीय मुशर्रफ दुबईमा रहेको र उनको शरीरका प्रमुख अंगहरूले काम गर्ने छोडिसकेकोले निको हुने सम्भावना कम भएको पाकिस्तानी सेनाले जनाएको छ। उपचारका लागि सन् २०१६ मा पाकिस्तान छोड्न अनुमति पाएपछि उनी पाकिस्तान फर्किएका छैनन्।

जनरल मुशर्रफले आफ्नो शासन अवधिसँग सम्बन्धित थुप्रै अदालत मुद्दाहरूको सामना गरिरहेका उनलाई देशद्रोहको आरोपमा उनको अनुपस्थितिमै उनलाई मृत्युदण्ड दिइएको थियो । यद्यपि उक्त फैसला पछि रद्द गरिएको थियो।

पाकिस्तानी सेनाको ‘इन्टर सर्भिस पब्लिक रिलेशन्स (आईएसपीआर) प्रचार शाखाका प्रमुख मेजर जनरल बाबर इफ्तीखरले स्थानीय सञ्चारमाध्यमसँग भने, ‘यो संस्था र यसको नेतृत्व पर्वेज मुशर्रफको खराब स्वास्थ्यलाई ध्यानमा राखेर देश फर्किन चाहेमा उहाँको परिवारको चाहनाअनुसार स्वदेश फर्किन दिनुपर्ने निष्कर्षमा पुगेको छ।’

आईएसपीआरले बुधबार एएफपीलाई भनेको छ।
मुशर्रफ देश फर्किएपछि पनि थुप्रै मुद्दाहरूको सामना गर्नुपर्ने हुनसक्छ।

पाकिस्तानको स्वतन्त्रतापछि सेनाले विभिन्न समयमा लामो समयसम्म पाकिस्तानमाथि शासन गर्दै आएको छ। सन् १९९९ मा तत्कालीन प्रधानमन्त्री नवाज शरीफले मुशर्रफ सेना प्रमुख रहेका समय पदबाट निलम्बन गर्न खोजेपछि मुशर्रफले सेनाको सहयोगमा राज्यसत्ताको नेतृत्व पनि सम्हालेका थिए।

त्यसपछि करिब नौ वर्ष उनले पाकिस्तानमा शासन गरे।

सन् २००१ देखि २००८ सम्म पाकिस्तानको राष्ट्रपति रहेका मुशर्रफको जन्म भने भारतको नयाँ दिल्लीमा भएको थियो । सैन्य उच्च अधिकारी रहेकै बेला सन् १९९९ मा सैन्य कु गरेर उनले राज्य सत्ता हातमा लिएका थिए ।

पहिले कमजोर रहेको पाकिस्तानी अर्थतन्त्र सुधारका लागि उनको नेतृत्व सफल भएको थियो। यद्यपि सत्तामा रहँदा मानव अधिकार उल्लङ्घन तथा भ्रष्टाचार गरेको आरोपमा उनीविरूद्ध दर्जनौँ मुद्दाहरू पाकिस्तानी अदालतमा विचाराधीन छन्। एएफपी

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com