सरकारीबाहेक अन्य निजी पेट्रोलपम्प खुलेका छैनन्
काठमाडौं २० चैत । नेपाल आयल निगम र आन्दोलनरत राष्ट्रिय पेट्रोलियम व्यवसाय संस्थागत समन्वय समितिबीच चार बुँदे सहमती पछि आजैबाट पेट्रोलियमको बिक्री वितरण सहज हुने भनिए पनि सरकारीबाहेक अन्य निजी पेट्रोलपम्प खुलेका छैनन्।
हिजो भएको सहमतिपछि आन्दोलनरत् नेपाल पेट्रोलियम डिलर्स राष्ट्रिय एसोसिएसन, नेपाल एलपी ग्यास उद्योग संघ र नेपाल पेट्रोलियम ढुवानी व्यवसायीले सबै विरोधका कार्यक्रम स्थगत गरे पनि अझै पेट्रोल पम्पले तेल नउठाउँदा अधिकांश पम्पहरू बन्द छन्।
