बजेट आठ महिनापछि पारित
कर्णाली प्रदेश सरकारले ल्याएको आर्थिक बर्ष २०७८।०७९ को बजेट आठ महिनापछि पारित भएको हो । अध्यादेशमार्फत् ल्याएको बजेट आज प्रदेश सभा सदस्यहरुको बहुमतले पारित गरेका हुन । विनियोजना अध्यादेश ०७८ र आर्थिक अध्यादेश ०७८ प्रतिस्थापन गर्न बनेका विनियोजन विधेयक ०७८ र आर्थिक विधेयक ०७८ प्रदेश सभाबाट बहुमतबाट आज परित भएको हो । गत असार १ मा ०७८।०७९ को बजेट पेश गरिएको थियो ।
प्रमुख प्रतिपक्षी नेकपा एमालेले सदनमा अवरोध गरेपछि बजेटमा छलफल नै भएको थिएन । संसदबाट बजेट पारित नभएपछि तत्कालीन मुख्यमन्त्री शाही नेतृत्वको सरकारले अध्यादेशमार्फत बजेट ल्याएको हो ।
यो बर्षको कर्णाली प्रदेश सरकारको बजेट ३६ अर्ब ५४ करोड ६६ लाख ३६ हजार छ ।
