डेंगी संक्रमणबाट पत्रकार चाँदनी अधिकारीको निधन
कार्तिक,१६काठमाडौं । डेंगी संक्रमणबाट लमजुङकी पत्रकार चाँदनी अधिकारीको निधन भएको छ।
२३ वर्षीया अधिकारी लमजुङस्थित रेडियो भोटेवडारको समाचार शाखामा काम गर्थिन्।
बेशीसहरको मोडल अस्पतालमा उपचार गराइरहेकी उनलाई हिजो थप उपचारका लागि चितवनको मेडिकल कलेज लगिएको थियो।
उनको आज बिहान ६:३० बजे उनको निधन भएको अस्पताललाई उद्धृत गर्दै नेपाल पत्रकार महासंघ लमजुङ शाखाले शोक विज्ञप्ति निकालेर जनाएको छ।
