FacebookTwitterViberEmailPrintFriendlyShare

काठमाण्डौ – भूतपूर्व गोर्खासैनिकका मागका सम्बन्धमा बेलायत सकारात्मक भएको छ । बेलायतीसरह समान पेन्सनलगायत भूतपूर्व गोर्खासैनिकका मागका सम्बन्धमा झन्डै एक वर्षपछि बेलायतसँग वार्ता भएको  हो । मागका सम्बन्धमा भएको वार्तामा बेलायती पक्षले सकारात्मक जवाफ दिएको नेपाली राजदूतावासका उपप्रमुख विपिन दुवाडीले बताउनुभयो ।

उपप्रमुख दुवाडी, संयुक्त अधिराज्यको रक्षा मन्त्रालयका अधिकारी तथा भूतपूर्व गोर्खा प्रतिनिधि संलग्न वार्तामा बेलायतले मागका बारेमा सकारात्मक जवाफ दिँदै पर्याप्त गृहकार्य गरेर अर्को बैठक बस्ने सहमति जनाएको हो ।

गोर्खाभूतपूर्व सैनिक सङ्घका सभापति कृष्णकुमार राईले विगतका वार्तामा भूपूगोर्खाका हितका विषयमा मात्र छलफल गरेको बेलायती पक्षले यसपटक समान पेन्सनका सम्बन्धमा पनि वार्ता गरेको र पर्याप्त गृहकार्यका साथ अर्को बैठक गर्नेगरी छलफल टुङ्गिएको जानकारी दिनुभयो । रासस