समाजवादी मोर्चाको बैठक आज बस्ने

माघ, २ काठमाडौं । समाजवादी मोर्चाको बैठक आज बस्ने भएकाे छ । दिउँसो २ बजे एकीकृत समाजवादी पार्टीको केन्द्रीय कार्यालय आलोकनगरमा बैठक बस्न लागेको हो ।
माओवादी अध्यक्ष प्रचण्ड सरकारमा हुँदा यो मोर्चा निष्क्रिय जस्ते रहेकाे थियो । प्रचण्ड सत्ताबाट बाहिरिएपछि भने पुन: सक्रिय भएकाे छ ।
२०८० असार ४ गते माओवादी केन्द्र, एकीकृत समाजवादी, जनता समाजवादी पार्टी (नेपा) र विप्लव नेतृत्वको नेकपाले समाजवादी मोर्चा बनाएका थिए ।
समाजवादी मोर्चाको बैठकअघि माओवादी अध्यक्ष प्रचण्डले प्रतिपक्षी दलको बैठक बोलाएका छन् । प्रतिपक्षी दलहरूको बैठक सिंहदरबारस्थित माओवादी केन्द्रको दलको बसिरहेकाे छ ।