पिंगलास्थानबाट भागेको भनिएका पुरूष मृत फेला

पुस, २० काठमाडाैं । काठमाडौंको पिंगलास्थानको एक होटलमा युवती मृत फेला परेको घटनामा फरार भनिएका पुरूष मृत फेला परेका छन् ।
शनिबार ओखलढुंगाको सुनकोशी गाउँपालिका-३ सिस्नेरीस्थित एक रूखमा देवकुमार थापा मृत फेला परेको जिल्ला प्रहरी कार्यालयका डिएसपी कृष्ण खड्काले जानकारी दिए । थापा आफ्नो घरदेखि अन्दाजी एक किलोमिटर टाढा रूखमा झुण्डिएको अवस्थामा फेला परेका हुन् ।
बुधबार काठमाडौं महानगरपालिका-९ पिंगलास्थानस्थित बागमती होटलको कोठा नम्बर ३०८ भित्र सुस्मिता खड्का मृत फेला परेकी थिइन् । उनीसँगै थापा पनि नयाँ वर्षको अघिल्लो दिन त्यहाँ पुगेको प्रहरीको अनुसन्धानबाट देखिएको थियो ।
सुस्मिताको मृत्यु कसरी भएको थियो भन्ने प्रहरीले अनुसन्धान गरिरहेको छ । उनको बाहिरी चोट देखिएको थिएन। काठमाडौं परिसरका एक प्रहरीले यसको औपचारिक जानकारी लिने काम भइरहेको बताएकाे छ ।