काठमाण्डौ महानगरपालिका पूर्व मेयर सिंहको निधन

पुष, १ काठमाडौं । काठमाडौं महानगरपालिकाका पूर्वमेयर पिएल सिंहको निधन भएको छ। आज बिहान १ बजे चाक्सीबारीस्थित निजी निवासमा उनको निधन भएको हो।

८५ वर्षीय सिंह लामो समयदेखि अस्वस्थ थिए। गतवर्ष मात्रै उनो पेटको शल्यक्रिया गरिएको थियो। उनी बहुदलपछि तत्कालीन काठमाडौं नगरपालिकाको पहिलो मेयर थिए।
उनको निधनमा काठमाडौं महानगरले आज सार्वजनिक विदा दिएको छ।
उनको पार्थिव शरीर श्रद्धाञ्जलीका लागि आज बिहान ११ बजेसम्म निवास चक्सिबारीमा राखिने र त्यसपछि कांग्रेस केन्द्रीय कार्यालयमा दुई घन्टासम्म राखिने बताइएको छ।