परराष्ट्रमन्त्री आरजु राणा चीन जाँदै
मंसिर, १३ काठमाण्डौ । आज परराष्ट्रमन्त्री आरजु राणा देउवा चीन जाँदै हुनुहुन्छ । प्रधानमन्त्री केपी शर्मा ओलीको औपचारिक चीन भ्रमणको तयारीका लागि उहाँ चीन जान लाग्नुभएको छ ।
उहाँले शुक्रबार चीनका विदेशमन्त्री वाङ यीसँग छेन्दु शहरमा भेटवार्ता गर्ने कार्यक्रम छ । उहाँहरुबीच बृहत् रुपमा समान चासोको विषय तथा प्रधानमन्त्री ओलीको औपचारिक चीन भ्रमणको तयारीबारे कुराकानी हुने परराष्ट्र मन्त्रालयले बताएको छ ।
परराष्ट्र मन्त्रालयका अनुसार परराष्ट्रमन्त्री राणा आज छेन्दु पुगेर शनिवार काठमाण्डौ फर्कनुहुनेछ । त्यसपछि प्रधानमन्त्री ओलीसँग यही मङ्सिर १७ गतेदेखि २१ गतेसम्म फेरि चीन भ्रमण गर्नुहुनेछ ।
