सुर्खेतमा गाडीको ठक्करबाट मोटरसाइकल चालकको मृत्यु
मंसिर, ११ काठमाडौं । सुर्खेतको भेरीगङ्गा नगरपालिकामा हिजो राति भएको दुर्घटनामा १ जनाको मृत्यु भएको छ। छिन्चु सडक खण्डमा कप्र ०२००७ नम्बरको फोर्स गाडीले विपरित दिशाबाट आएको कप्र ०२००१प ७२६९ नम्बरको मोटरसाइकललाई ठक्कर दिएको थियो।
दुर्घटनामा मोटरसाइकल चालक ५९ वर्षीय रविन्द्र कुमार शाही घाइते भएका थिए। तुरुन्तै उपचारका लागि जिल्ला अस्पताल लगियो। तर जटिल घाइते उनलाई प्रदेश अस्पताल रेफर गरिएको थियो। उपचारका क्रममा उनको मृत्यु भएको प्रहरीले बताएको छ।
