कैलालीमा साढे ३ किलो चरेशसहित २ जना पक्राउ
असोज,१० काठमाडौं । कैलालीमा साढे ३ किलो चरेशसहित दुई जना पक्राउ परेका छन्। हिजो गौरिगंगा नगरपालिका-८ बडैपुरबाट दुई जनालाई पक्राउ गरेको जिल्ला प्रहरी कार्यालय कैलालीका डिएसपी कविन्द्रसिंहले बताए ।
पक्राउ पर्नेमा बझाङ केदारस्युँ गाउँपालिका-६ बस्ने २३ वर्षीय गोविन्द धामी र धनगढी उपमहानगरपालिका-३ मा बाजुरा होटल संचालक ४१ वर्षीया मनमति ऐडि रावत छन्। प्रहरी नायब निरीक्षक गजेन्द्रबहादुर चन्दको कमाण्डमा खटिएको टोलीले धामीलाई शंका लागेर जाँच गर्दा झोलाबाट २ किलो ७४० ग्राम चरेश बरामद भएको थियो।
