इजरायलद्वारा हतियार तस्करीको आरोपमा जोर्डनका सांसद गिरफ्तार
इजरायलले हतियार तस्करीको आरोपमा जोर्डनका सांसद इमाद अल-अडवानलाई गिरफ्तार गरेको छ ।
वेस्ट बैंक क्षेत्रमा लुकीछिपी हतियार र सुन तस्करी गरेको आरोप उनीमाथि लागेको छ । जोर्डनको विदेश मन्त्रालयका अनुसार वेस्ट बैंकनजिकै किंग हुसेन पुलको सीमा चेकजाँच प्रहरीले इमादलाई सुन र हतियार तस्करीको आरोपमा गिरफ्तार गरेको हो ।
इजरायलले भने यस विषयमा कुनै जानकारी दिएको छैन । मन्त्रालयका अनुसार इजरायली अधिकारीहरूले उनको कारमा सुन र बन्दुक फेला पारेको आरोप लगाएका छन् ।
३५ वर्षका इमाद जोर्डन संसदको प्यालेस्टाइन समितिका सदस्य पनि हुन् । जोर्डनले यस विषयमा आफूहरूले अध्ययन गरिरहेको बताएको छ । इजरायल र प्यालेस्टाइनबीच अल-अक्सा मस्जिदको विषयमा विवाद चर्किएका बेला जोर्डनका सांसद इजरायलमा गिरफ्तार भएका हुन् । अलजजिरा
