बारा क्षेत्र नम्बर २ मा साढे २ बजेसम्म ४५ प्रतिशत मत खस्यो
बैशाख,१० काठमाडौं । बारा क्षेत्र नम्बर २ मा अहिलेसम्म ४५ प्रतिशत मत खसेको छ । आज भइरहेको उपचुनावअन्तर्गत मतदानमा दिउँसो साढे २ बजेसम्म ४५ प्रतिशतसम्म मत खसेको प्रमुख जिल्ला अधिकारी नवराज सापकोटाले बताउनु भयो ।
कडा सुरक्षाका बीच शान्तिपूर्ण रूपमा मतदान भइरहेको उहाँले बताउनु भयो । यसैबीच उपचुनावको मतगणना कलैया उपमहानगरपालिका वडा नम्बर ३ को शैक्षिक तालिम केन्द्रमा गरिने भएको छ ।
मतगणना गर्ने कोठामा तारजाली लगाइनुका साथै सीसीटीभी जडान गरिएको प्रमुख जिल्ला अधिकारी सापकोटाले जानकारी गराउनुभयो ।
