हास्य कलाकार पवन खतिवडा मादक पदार्थ सेवन गरी झैझगडा गरेको आरोपमा प्रकाउ
फागुन,३ काठमाडौं । नेपाल प्रहरीले हास्य कलाकार पवन खतिवडालाई मोरङबाट हिजो राती पक्राउ गरेको छ।
जिल्ला प्रहरी कार्यालय मोरङका डिएसपी टीकाबहादुर कार्कीले खतिवडालाई राती १२ बजे बेलबारी नगरपालिका ३ बाट पक्राउ गरेको बताए ।
उनले भने, ‘मध्यरातमा मादक पदार्थ सेवन गरी स्थानिय दुई जनासँग झैझगडा गरेको अवस्थामा पक्राउ गरेका हौं।’ डीएसपी कार्कीले आज दुइ पक्षबीच छलफल भइरहेको बताएका छन् ।
प्रहरी कला क्षेत्रमा म्याकुरीको नामले परिचित खतिवडासहित २ जनालाई इलाका प्रहरी कार्यालय बेलबारीले पक्राउ गरेको हो । झैझगडा भएपछि स्थानियले प्रहरीलाई खबर गरेपछि प्रहरीले उनलाई पक्राउ गरेको हो।
