श्रीमानको कुटाइबाट श्रीमतीको मृत्यु
फागुन,२ काठमाडौं । दैलेखमा श्रीमानको कुटाइबाट श्रीमतीको मृत्यु भएको छ ।
गुराँस गाउँपालिका-८ गर्चाका २८ वर्षीय कृष्णबहादुर खड्काले २७ वर्षीया श्रीमती पार्वती बीसीलाई कुटपिट गरि हत्या गरेका हुन् ।
श्रीमान् श्रीमतीबीच पारिवारिक विवाद भएपछि हिजो राति साढे १० बजे कृष्णबहादुरले ढोकामा लगाउने गरालोले हानेर हत्या गरेको जिल्ला प्रहरी कार्यालय दैलेखका प्रमुख डीएसपी किशोर लम्सालले बताए ।
विवाद भएपछि श्रीमानले काठको गरालोले हान्दा घटना स्थलमै मृत्यु भएको पाइएको छ, डीएसपी लम्सालले भने ।
स्थानीयवासीका अनुसार विगत केही दिनदेखि श्रीमान् र श्रीमति बीचमा विवाद हुँदै आएको थियो । सोही विवाद बढ्दै गएपछि कृष्णबहादुरले श्रीमती पार्वतीलाई कुटपिट गरेका थिए ।
गत मंसिरमा मात्रै उनिहरुको परिवारले विवाह गराई दिएका थिए ।
