चितवन राष्ट्रिय निकुञ्जमा दुईवटा गैंडा मृत भेटिए
मंसिर,२९ काठमाडौं । चितवन राष्ट्रिय निकुञ्जमा दुईवटा गैंडा मृत भेटिएका छन्।
हिजा र आज गस्तीमा गएको टोलीले एक भाले र एक पोथी गैंडा मृत भेटेको निकुञ्जले बताएको छ ।
चितवन निकुञ्जका सूचना अधिकारी गणेशप्रसाद तिवारीका अनुसार हिजो अमलटारी सेक्टरको कुजौली रेञ्जपोष्टअन्तर्गत नारायणी नदीको किनारमा ५ महिनाको भाले (केटो) गैंडा मृत भेटिएको थियो। उक्त केटोको बाघको आक्रमणबाट मृत्यु भएको उनले बताए ।
बिहीबार पनि अमलटारी सेक्टरकै लामिचौर पोष्टअन्तर्गतको गुन्द्रही ढका मध्यवर्ती सामुदायिक वन क्षेत्रमा पोथी गैंडा मृत भेटिएको तिवारीले बताए।
बिहान करिब ६ बजेको समयमा गस्ती टोलीले अन्दाजी १५ वर्षको उक्त गैंडा मृत अवस्थामा भेटेको उनले बताए।
अन्दाजी १५ वर्षको पोथीको अर्को गैंडासँग जुधेर मृत्यु भएको अनुमान गरिएको छ।
Facebook Comment
