बाजुरामा खसेको मत भन्दा बढी देखिएपछि मतगणना रोकियो
मंसिर,१६काठमाडौं । बाजुरामा हिजो बेलुकाबाट सुरू भएको मतगणना अहिले रोकिएको छ।
जिल्लाका चार वटा मतदान केन्द्रको २ हजार ३ सय १२ मत खसेको भन्दै मतदान अधिकृतले डाटा दिएका थिए। तर, मतगणना गर्दा उक्त मतदान केन्द्रहरुमा ३० मत बढी देखिएपछि मतगणना रोकिएको जिल्ला निर्वाचन कार्यालय प्रमुख नवराज अवस्थीले बताए ।
उनका अनुसार खसेको मत भन्दा बढी मत भएपछि अहिले असमझदारी र विवाद आएकाले एकछिनका लागि मतगणना कार्य रोकिएको हो।
‘उक्त विषयमा के गर्ने भन्ने विषयमा छलफल भइरहेको छ, केहि छिनमै फेरि सुचारु हुन्छ’, उनले भने।
