Yeti Khabar

२०७९ मंसिर २२, बिहीबार - Thu Dec, 2022 -

तीन वर्षपछि मोदी-सी भेट, गलवान झडपपछि पहिलो

इन्डोनेसियाको बालीमा भएको जी–२० शिखर सम्मेलनका क्रममा भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङबीच भेट भएको छ । इन्डोनेसियाका राष्ट्रपतिले शिखर सम्मेलनमा सहभागी सबै नेताहरूका लागि रात्रिभोजको आयोजना गरेका थिए । सोही रात्रिभोजमा दुई नेताबीच भेट भएको हो ।

भेटमा दुवैले एकअर्कासँग हात मिलाएर केही बेर कुराकानी गरे । तर, दुईबीच औपचारिक कुराकानी भने भएन । मोदी र सीको पछिल्लो भेट ३ वर्षअघि अर्थात नोभेम्बर २०१९ मा ब्राजिलमा भएको ब्रिक्स शिखर सम्मेलनमा भएको थियो। सो भेटको एक महिनाअघि अर्थात् अक्टोबर २०१९ मा जिनपिङ भारत आएका थिए । त्यतिबेला दुई नेताबीच तमिलनाडुको महाबलीपुरममा भेट भएको थियो।

सन् २०२० मा गलवान झडपपछि कुनै पनि मञ्चमा मोदी र जिनपिङको यो पहिलो भेट हो। यसअघि सेप्टेम्बरमा एससीओको बैठकमा दुवै नेता एउटै मञ्चमा उपस्थित थिए तर दुवैले कुराकानीसमेत गरेका थिएनन् ।

यसबाहेक मोदीले फ्रान्सका राष्ट्रपति इमानुएल म्याक्रोनसँग पनि भेट गरेका छन् । उनले ट्वीटरमा लेखे, ‘मेरो साथी राष्ट्रपति इमानुएल म्याक्रोनसँग।’ उनले अमेरिकी राष्ट्रपति जो बाइडेनलाई पनि भेटेका थिए । प्रधानमन्त्री मोदीले राष्ट्रपति बाइडेनसँग धेरै महत्त्वपूर्ण विषयमा छलफल भएको जानकारी दिए ।

प्रधानमन्त्री मोदीले बेलायती प्रधानमन्त्री ऋषि सुनकसँग पनि भेट गरेका छन् । उनले लेखेका छन्, ‘भविष्यमा सँगै काम गर्न तयार छु ।एजेन्सी

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com