काठमाडौंमा पुरुषको हत्या गरेको आरोपमा एक जना पक्राउ
कार्तिक,१६काठमाडौं । काठमाडौंको न्युरोडमा पुरूषको हत्या गरेको आरोपमा एक जनालाई प्रहरीले पक्राउ गरेको छ।
हिजो बिहान काठमाडौं महानगरपालिका-२४ जुद्ध शालिक नजिकै एक पुरूष मृत फेला परेका थिए।
उनको हत्या आरोपमा शंकास्पद एक जनालाई न्युरोड क्षेत्रबाटै आज पक्राउ गरेको जिल्ला प्रहरी परिसर काठमाडौंका एसपी दिनेशराज मैनालीले बाताए ।
प्रहरीले पक्राउ परेका व्यक्तिको पहिचान भने खुलाएको छैन।
यता मृतकको पनि पहिचान भने नखुलेको एसपी मैनालीले जानकारी दिए । मृतक न्युरोड क्षेत्रमै मजदुरी गर्ने व्यक्ति थिए। मृतकको निधारमा चोट देखिएको थियो।
