आगामी निर्वाचनमा सिट बाँडफाँटको विषयमा सहमति जुटाउन नेपाली कांग्रेस र लोकतान्त्रिक समाजवादी पार्टी ९लोसपा० का नेताहरू निरन्तर छलफलमा जुटिरहेका छन्।

शनिबार प्रधानमन्त्री निवास बालुवाटारमा जारी छलफलमा सिट बाँडफाँटको विषय टुंग्याउने गरी नेताहरू सकारात्मक प्रयासमा रहेको लोसपाका नेता केशव झाले जानकारी दिए।

उनले भने, उहाँ (नेताहरू) सात घन्टादेखि निरन्तर छलफलमै हुनुहुन्छ। सिट बाँडफाँटको टुंगो लगाएर मात्रै फर्किनुहुन्छ।
सत्ता गठबन्धनको सहयात्री दल जनता समाजवादी पार्टी (जसपा) बाहिरिएपछि लोसपा गठबन्धनमा सहभागी भएको हो।

छलफलमा कांग्रेसका तर्फबाट प्रधानमन्त्री एवम् कांग्रेस सभापति शेरबहादुर देउवासहित नेताहरू सहभागी छन् भने लोसपाका अध्यक्ष महन्थ ठाकुर, वरिष्ठ नेता राजेन्द्र महतो, नेताहरू शरतसिंह भण्डारी, अनिल झा, जितेन्द्र सोनाल लगायत सहभागी छन्।
जसपाले भने नेकपा एमालेसँग १४ जिल्लामा चुनावी तालमेल गरिसकेको छ।रासस