Yeti Khabar

२०८० चैत्र १६, शुक्रबार - Fri Mar, 2024 -

इरानमा सुरक्षाकर्मी र विद्यार्थीबीच झडप, प्रहरीले गोली चलायो

इरानमा हिजाबविरुद्ध चलिरहेको विरोध प्रदर्शनका क्रममा आइतबार देशको एक प्रसिद्ध विश्वविद्यालयमा विद्यार्थी र प्रहरीबीच झडप भएको छ । सामाजिक सञ्जाल र स्थानीय मिडिया रिपोर्टका अनुसार भीड हटाउन सुरक्षा बलले गोली समेत चलाएका थिए ।

सेप्टेम्बरमा प्रहरी हिरासतमा एक युवतीको मृत्यु भएपछि इरानमा सरकारविरोधी प्रदर्शन सुरु भएको थियो। हिजाब कानुनको पालना नगरेको भन्दै २२ वर्षीया मेहसा अमिनीलाई प्रहरीले पक्राउ गरेको थियो, जसको केही घण्टापछि उनी कोमामा गएकी थिइन् । प्रहरीले अमिनीलाई नराम्ररी कुटपिट गरेको र टाउकोमा लाठी प्रहार गरेको पनि आरोप छ । तर, प्रहरीले यी आरोप अस्वीकार गर्दै अमिनीको ‘अचानक हृदयघात’का कारण मृत्यु भएको बताएको छ ।

सामाजिक सञ्जालमा शेयर गरिएको भिडियोमा इरानको शरीफ युनिभर्सिटीमा गोलीबारी हुँदा विद्यार्थीहरू सुरक्षा बलबाट भागिरहेको देख्न सकिन्छ। अर्को भिडियोमा सुरक्षाकर्मीले कारमा बसेका मानिसहरूलाई गोली हानेको देखिन्छ। कारमा बसेर उनीहरूले विरोध रेकर्ड गरिरहेका थिए । आइतबार धेरै विद्यार्थी पहिलो पटक शरीफ विश्वविद्यालय पुगेका थिए । विश्वविद्यालयको मुख्य गेटमा विद्यार्थीहरू जम्मा भएर प्रदर्शन गरेपछि झडप सुरु भएको बताइएको छ ।

पछिल्ला दुई रातमा इरानको राजधानी तेहरानलगायत अन्य क्षेत्रमा विरोध प्रदर्शन चर्किएको छ । आन्दोलनमा संलग्नको मृत्यु हुनेको संख्या पनि बढ्दै गएको छ । नर्वेमा आधारित गैरसरकारी संस्था इरान ह्युमन राइट्सका अनुसार अहिले देशभर १३३ जनाको मृत्यु भएको छ। प्रशासनले आन्दोलनकारीलाई कडाइका साथ व्यवहार गर्ने बताउँदै विरोध प्रदर्शनलाई शत्रुको षडयन्त्र भनेको छ ।

बीबीसी हिन्दी

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सह सम्पादक: खड्ग बहादुर रम्तेल
कानुनी सल्लाहकार: राम नारायण विडारी (वरिष्ठ अधिवक्ता)
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com