आगलागीका घाइतेलाई थप उपचारका लागि कीर्तिपुर पठाइयो
असोज,५ काठमाडौं । ललितपुरको धोविघाटस्थित एक कवाडी गोदाममा आगलागी हुँदा घाइते भएकालाई थप उपचारका लागि कीर्तिपुरस्थित बर्न अस्पताल पठाइएको छ।
घाइतेमध्ये ६५ वर्षिय शिवनारायण पोदार गम्भीर छन्। भारतीय नागरिक उनको अनुहार र शरीरका केही भाग जलेको छ।
यस्तै चितवनका ३० वर्षिय गणेश गुरूङ र ४५ वर्षिय भारतीय नागरिक राम आश्रित साहलाई पनि थप उपचारका लागि कीर्तिपुर पठाइएको ललितपुरका एसपी सुशील शाहीले बताउनु भयो ।
घाइते तीनै जना कवाडी गोदाममै कार्यरत थिए।
धोबिघाट रिङरोडबाहिर रहेको बच्चा साहको सञ्चालन गर्दै आएको कवाडी गोदममा आज दिउँसो १ बजे तिर आगो लागेको थियो।
विगत १४ वर्षदेखि कवाडी गोदाम सञ्चालन गर्दै आएका साहले ५ जनालाई रोजगारीसमेत दिएका थिए।
