कार दुर्घटना हुँदा चार जना घाइते
असोज १ काठमाडौं । सिन्धुपाल्चोकमा कार दुर्घटना हुँदा चार जना घाइते भएका छन्।
आज बिहान करिब ७ बजे चौतारा साँगाचोकगढी-११ पोखरेस्थित चौतारा बन्देउ सडकखण्डमा कार दुर्घटना हुँदा चार जना घाइते भएको जिल्ला प्रहरी कार्यालयका प्रहरी नायब उपरीक्षक शिव बुढाथोकीले बताउनु भयो ।
बा ४ च ५६७७ नम्बरको कार आफैं अनियन्त्रित भई सडकबाट १५० मिटर तल खसेको हो। उक्त कार काठमाडौंबाट सिन्धुपाल्चोकतर्फ जाँदै थियो।
ट्याक्सी खस्दा इन्द्रावति गाउँपालिका(२का ४२ वर्षीय बसन्त गिरी, ३१ वर्षीया प्रतिमा गिरी, दोलखा भिमेश्वर नगरपालिका-२ का २८ वर्षीय सोनाम तामाङ र २२ वर्षीय राजेश तामाङ घाइते छन्।
