दार्चुलामा बाढी-पहिरो: पाँच जनाको मृत्यु,सात जना बेपत्ता
भदौ,२५ काठमाडौै । दार्चुलामा बाढीपहिरोमा परी ज्यान गुमाउनेको संख्या ५ पुगेको छ।
हिजो रातिदेखिको अविरल वर्षापछि आएको बाढीले घर बगाउँदा पाँच जनाको मृत्यु भएको जिल्ला प्रहरी कार्यालय दार्चुलाका प्रहरी निरीक्षक जगत गाहामगरले बताउनु भयो ।
महाकाली नगरपालिका–२ का ७७ वर्षीय नन्दराम बोहरा र वडा नम्बर १ सल्लाकी ४३ वर्षीया मानमती कार्कीको मृत्यु भएको हो।
यस्तै नौगाड गाउँपालिकाका ३२ वर्षीया जानकी ठगुन्ना, १५ वर्षीया धनुली ठगुन्ना र ६८ वर्षीय मोहनराम पार्कीको शव फेला परेको प्रहरीले जनाएको छ।
अहिले थप खोजी तथा उद्धारका लागि सेनाको हेलिकप्टर पनि दार्चुला पुगेको गाहामगरले बताए।
उनले उद्धार कार्यका लागि नेपाली सेना, नेपाल प्रहरी र सशस्त्र प्रहरीसहित स्थानीयको टोली खटिएको बताए।
