Yeti Khabar

२०८० चैत्र १६, शुक्रबार - Fri Mar, 2024 -

ईञ्जिनियरको अपमान गरेको भन्दै मेयर साम्पाङको राजिनामा माग, कडा आन्दोलन गर्ने चेतावनी

धरान उपमहानगरपालिकाका मेयर हर्कराज राई (साम्पाङ)ले इञ्जिनियरिङ पेशाप्रति अपमानपुर्ण अभिव्यक्ति दिएको भन्दै पुर्वाञ्चल इञ्जिनियररिङ क्याम्पस धरानका विद्यार्थीहरुले राजिनामा मागेका छन्।

राष्ट्रिय प्रजातान्त्रिक विद्यार्थी संगठन क्याम्पस ईकाई कमिटीका अध्यक्ष आभाष अधिकारीले विज्ञप्ती जारी गर्दै मेयर साम्पाङको राजिनामा माग गरेका हुन्। मेयर साम्पाङले आफुबाहेक अरु कोही पनि सक्षम नरहेझैं शैलीमा इञ्जिनियरको क्षमता र पेशमा आवद्ध, अध्ययनमा उर्जाका साथ समर्पित सम्पुर्ण इञ्जिनियरिङ पेशाप्रति अपमानपुर्ण टिप्पणी गरेको भन्दै विज्ञप्तीमा विरोध प्रकट गरिएको छ।

पछिल्लो समय मेयर साम्पाङको अभिव्यक्ति र फेसबुक पोष्ट विवादमा पर्दै आइरहेको छ। उनले एक मिडियालाई दिएको अन्र्तवार्तामा काठमाण्डौंका मेयर बालेन साहको खिसि उठाउदै इञ्जिनियरले हाँक्न नसक्ने भएकोले आफ्नो पढाई अनुसारको काम गर्नुपर्ने अभिव्यक्ति दिएका थिए। साम्पाङको सोही अभिव्यक्तिविरुद्ध इञ्जिनियरिङका विद्यार्थीहरुले विरोध गर्दै राजिनामा मागेका हुन्।

विश्वका अनेकौं देशमा राष्ट्राध्यक्षदेखि उच्च पदमा रहेर इञ्जिनियरहरुले नीति निर्माण र नेतृत्व कुशलता सफलतापुर्वक प्रस्तुत गरिसकेको विज्ञप्तीमा उल्लेख छ। साथै हालै भारतको नई दिल्लीमा इञ्जिनियरसहितको अरबिन्द केजरीवालको राजनैतिक आवागमनले विकासमा फड्को मारिरहेको भन्दै अध्यक्ष अधिकारीले मेयर साम्पाङले इञ्जिनियरमाथि गरेको तुच्छ शब्दले विवेकशिलता, कुटनैतिक क्षमता र बोलीको परिपक्वतामाथि प्रश्न उठेको पनि विज्ञप्तीमा जनाइएको छ।

गैरजिम्मेवार नेतृत्वले गर्दा धरानको भविष्य अन्धकारमा पुग्न लागेको भन्दै जनताले दिएको मतको सम्मान गरि विकासमा अघि बढ्नुपर्ने बेला सानो सोच राखेर मेयर साम्पाङ अराजकताको बाटोतिर लम्किएको विज्ञप्तीमा उल्लेख छ। साथै, धरानबासीलाई सचेत गराउदै मेयर साम्पाङले तुरुन्त पदबाट राजिनामा दिन पनि माग गरिएको छ । राजिनामा नदिए संगठनले कडा भन्दा कडा आन्दोलन गर्ने चेतावनी पनि दिएको छ। नागरिक दैनिक

Facebook Comment
Company Information

यती मिडिया प्रा.लि.(Yati Media Pvt. Ltd.)
अध्यक्ष: मोतिसरा खड्का
सम्पादक: डम्बर विक्रम कार्की
सह सम्पादक: खड्ग बहादुर रम्तेल
कानुनी सल्लाहकार: राम नारायण विडारी (वरिष्ठ अधिवक्ता)
सुचना तथा प्रसारण विभाग दर्ता नं
3193-2078/2079
कम्पनी दर्ता नं: 283675/078/079
प्यान नं: 610213157

Contact Information

Yati Media Pvt. Ltd.
Putali Galli, Kalanki, Kathmandu

01 5315254, 9851100556
info@yetikhabar.com
www.yetikhabar.com