महोत्तरीको एक विद्यालयमा अध्यनरत छात्रा शिक्षकको कुटाइबाट घाइते भएकी छिन्। औरही नगरपालिकास्थित प्रसाद माध्यमिक विद्यालयमा कक्षा ६ मा अध्यनरत ९ वर्षीय आरतीकुमारी महरा शिक्षकको कुटाइबाट घाइते भएकी हुन्।

महरालाई गृहकार्य नगरेको भन्दै बिहीबार विज्ञान विषयका शिक्षक दिपेश यादवले बाँसको लठ्ठीले हानेर घाइते बनाएपछि उपचारको लागि अस्पताल पुर्‍याइएको थियो। गृहकार्य नगरेको भन्दै शिक्षक यादवले छात्रामाथि निर्घात कुटेको गरेको छात्राको परिवारले आरोप लगाएका छन्।

छात्राको शरीरभरी लठ्ठीले हानेको नीलडाम समेत परेको छ। कुटाइको कारण छात्रालाई ज्वरो आएको उपचारमा संग्लन स्वास्थ्यकर्मीले जानकारी दिए। छात्रालाई शिक्षक यादवले कुटेको विद्यालयका प्रधानाध्यापक शिवशरण यादवले स्विकार गरेको छ। कुटपिटको घटना बाहिरिएपछि अभिभावकहरुलाई विद्यालयमा बोलाएर घटाउन मिलाउन खोजेको अभिभावकहरूको गुनासो छ।