नालामा खसेर ११ वर्षीय बालकको ज्यान गयो
भदौ,११ काठमाडौं । कास्की – पोखरा महानगरपालिका वडा नम्बर १६ मा नालामा खसेर एक जनाको ज्यान गएको हो । गएराति परेको वर्षाले सडकबाट चिप्लीएर नालामा खसेका ११ वर्षीय रविन तिवारीको ज्यान गएको कास्कीका प्रहरी प्रवक्ता प्रहरी निरीक्षक ज्ञानबहादुर खड्काले बताउनु भयो ।
पोखरा १९ काउरेका रविन आमा र दिदीसँग दर खाएर राति साढे ८ बजे घर फर्किदै गर्दा नालामा खसेको उहाँले बताउनुभयो । राति नालामा खसेपछि प्रहरी र स्थानीयले खोजी गरेका थिए । नालामा खसेको करिब साढे १ घण्टामा भेटिएका उनलाई पोखराका मणिपाल अस्पताल लगेकोमा चिकित्सकले मृत घोषणा गरेका थिए ।
