पोर्चुगलमा एक नेपालीको मृत्यु
पोर्चुगलमा एक नेपाली युवाको क्यान्सरबाट मृत्यु भएको छ।
सोलुखुम्बुको सोलुदूधकुण्ड नगरपालिका–१० का ३४ वर्षीय ङवाङदावा शेर्पाको क्यान्सरबाट मृत्यु भएको हो।
शेर्पाको बेजास्थित उलिस बाइसा अलेन्टेज इपिई अस्पतालमा उपचारका क्रममा आइतबार निधन भएको शेर्पा किदुग पोर्चुगलका सल्लाहकर धन शेर्पाले बताए।
उनको शव नेपाल पठाउने तयारी भइरहेको छ।
बेजास्थित एक कृषि कम्पनीमा कार्यरत शेर्पाको दुई महिनादेखि उपचार भइरहेको थियो। उनी वैदेशिक रोजागारीको सिलसिलामा चार वर्ष अघि पोर्चुगल आएका थिए।
गत साता पनि चितवनका एक युवकको तालमा डुबेर मृत्यु भएको थियो। रासस
