केपी शर्मा ओलीलाई भेट्न गृहमन्त्री र कानुनमन्त्री बालकोटमा
असार, ३ काठमाडौं । एमाले अध्यक्ष केपी शर्मा ओलीलाई भेट्न गृहमन्त्री बालकृष्ण खाँण र कानुन मन्त्री गोविन्द शर्मा कोइराला ओली निवास बालकोट पुगेका छन् । नागरिकता विधेयक पारित गर्ने तयारीमा सरकार रहेका बेला भएको यो भेटलाई महत्वपूर्ण मानिएको छ ।
प्रधानमन्त्री शेरबहादुर देउवाले राष्ट्रिय सहमतिमै नागरिकता विधेयक अगाडि बढाइने बताएका थिए । आज दुई मन्त्रीलाई बालकोट पठाएर प्रधानमन्त्री देउवाले नागरिकता विधेयक अगाडि बढाउन सहज वातावरण बनाउने प्रयास गरेको बुझिएको छ ।
