पहिरोमा पुरिएर सासु–बुहारीको मृत्यु
असार, ३ काठमाडौं । ताप्लेजुङको सिरीजङ्घा गाउँपालिका–७ खेवाङमा पहिरोमा पुरिएर दुई जनाको ज्यान गएको छ।
वर्षासँगै हिजो बेलुकी ११ बजेतिर झरेको पहिरोमा पुरिएर तुलसा अधिकारी र यशोदा अधिकारीको मृत्यु भएको सिरीजङ्घा गाउँपालिकाका उपाध्यक्ष चित्रकुमार लिम्बुले जानकारीजानकारी दिएका छन् ।
हिजो राति ११ बजेतिर आएको पहिरोमा परेको सासु बुहारी बेपत्ता हुनुभएको थियो। आज बिहान उहाँहरूको शव फेला पर्यो’, लिम्बुले भने।
तुलसा सासु र यशोदा बुहारी हुन्। यशोदाका श्रीमान् विष्णु अधिकारी भने भागेर ज्यान जोगाउन सफल भएका थिए।
पहिरोले अधिकारीका दुई वटै घर बगाएको छ भने नजिकै रहेका पशुचौपायसमेत पुरेको छ।
