ट्याङ्की सफा गर्ने क्रममा दुई जनाको मृत्यु
जेठ,२५ काठमाडौं । भरतपुर महानगरपालिका-१९ मा सेफ्टी ट्याङ्की सफा गर्ने क्रममा दुई जनाको मृत्यु भएको छ।
जिल्ला प्रहरी कार्यालय चितवनका प्रबक्ता नरहरि अधिकारीले दिएको जानकारी अनुसार कपिलबस्तु शिवराज नगरपालिका ९ बस्ने २४ बर्षका छतिराम थारु र उनको नातामा भिनाजु पर्ने २३ बर्षीय राम चौधरीको मृत्यु भएको हो ।
भरतपुर महानगरपालिका-१९ तमुटोल बस्ने राम प्यारी गुरुङको घरमा सेफ्टी ट्याङ्की सफा गर्ने क्रममा छतिराम चिप्लिएर सेफ्टी ट्याङ्कीमा खसेपछि राम निकाल्न गएका थिए । उनको पनि डुबेर मृत्यु भएको प्रहरीले जनाएको छ ।
