म्यानमारको राजधानीमा बम विस्फोट, एकको मृत्यु, नौ घाइते
म्यानमारको राजधानी याङ्गुनमा मङ्गलबार बम विस्फोट भएको छ । विस्फोटनमा परी कम्तीमा एक जनाको मृत्यु भएको र अरु नौ जना घाइते भएको प्रहरी स्रोतले जानकारी दिएको छ ।
अत्यन्त व्यस्त रहेको बेला स्थानीय समय अनुसार दिउसो ३।२० बजे राजधानी याङ्गुनमा विस्फोटन भएको प्रहरीको भनाइ छ ।
राजधानीस्थित बसपार्क नजिकै विस्फोटन भएको हो । घटनाका बारेमा थप अनुसन्धान सुरु भइसकेको प्रहरीले जनाएको छ । एजेन्सी
