सर्लाहीमा करेन्ट लागेर युवकको मृत्यु
जेठ, १२ काठमाडौं । सर्लाहीमा करेन्ट लागेर एक युवकको मृत्यु भएको छ। सर्लाहीको विष्णु गाउँपालिका ६ सिमराका लालबाबु महतो कुशवाहाको तरकारी बारीमा करेन्ट लागेर स्थानीय एक युवकको मृत्यु भएको छ। मृत्यु हुनेमा स्थानीय राम बेचन रामका छोरा ३६ वर्षीय शैलेन्द्र राम रहेका छन्।
कुशवाहाको तरकारी बारीमा रामको करेन्ट लागेर मृत्यु भएको खबर सुनेपछि प्रहरीले रामको शवलाई पोस्ट मार्टमको लागि प्रादेशिक अस्पताल मलंगवा पठाएको छ। घटनाको अनुसन्धानको लागि तरकारी खेतका धनी कुशवाहालाई प्रहरीले नियन्त्रणमा लिएको छ।
